રસ્તા પર ચા વેચતા જોવા મળ્યો ગૌતમ અદાણીનો હમશકલ, વાયરલ વીડિયોએ સોશિયલ મીડિયા પર મચાવી ધૂમ, જુઓ

સોશિયલ મીડિયા પર એક વીડિયો વાયરલ થઈ રહ્યો છે. આનું કારણ તેનો ચહેરો છે. જેને જોઈને લોકો દંગ રહી ગયા, કારણ કે તે વ્યક્તિ પ્રખ્યાત ઉદ્યોગપતિ ગૌતમ અદાણી જેવી લાગતી હતી. મુંબઈના અંધેરી રેલ્વે સ્ટેશન પાસે એક ચાટ વેચનારનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં, એક વ્યક્તિ ચાટ વેચનારની સામે મોબાઇલ પર અદાણીનો ફોટો બતાવતો અને ચાટ વેચનાર સાથે તેની તુલના કરતો જોવા મળે છે.

વીડિયો શેર કરનાર યુઝરે લખ્યું, “ગૌતમ અદાણીનો ભાઈ અંધેરી સ્ટેશન પાસે ચાટ વેચી રહ્યો છે, અને બીજી તરફ ગૌતમ અદાણી અબજોપતિ બની ગયો. પણ કોઈએ તેના ભાઈને મદદ ન કરી, દુઃખની વાત છે.” જોકે આ ટિપ્પણી મજાકમાં લખવામાં આવી હતી, પરંતુ તેણે ઇન્ટરનેટ પર ધૂમ મચાવી દીધી. X પર આ વીડિયો વાયરલ થતાં જ યુઝર્સે આના પર રમુજી ટિપ્પણીઓ કરી રહ્યા છે. જોકે, કેટલાક લોકોએ આ દાવાની સત્યતા ચકાસવાનો પણ પ્રયાસ કર્યો. AI સંચાલિત ફેક્ટ-ચેકિંગ ટૂલ ગ્રોકે ખુલાસો કર્યો કે, આ ચાટવાળાને અદાણી પરિવાર સાથે કોઈ સંબંધ નથી અને તે માત્ર સંયોગને કારણે સમાચારમાં આવ્યો છે.

 

આ પહેલી વાર નથી જ્યારે કોઈ સેલિબ્રિટીના હમશકલ હેડલાઇન્સમાં આવ્યા હોય. તાજેતરમાં, પાકિસ્તાનના ખૈબર પખ્તુનખ્વામાં એક માણસને જોઈને લોકો આશ્ચર્યચકિત થઈ ગયા, કારણ કે તે ટેસ્લા અને સ્પેસએક્સના સીઈઓ એલોન મસ્ક જેવો દેખાતો હતો. આ પાકિસ્તાની વ્યક્તિનો વીડિયો પણ વાયરલ થયો હતો, જેમાં તે તેના મિત્રો સાથે ભાત ખાતો જોવા મળી રહ્યો છે. વીડિયોમાં, તેના મિત્રો મજાકમાં તેને એલોન મસ્ક કહે છે.